स्याङ्जा, २०८२ कार्तिक १३ गते ।
स्याङ्जा जिल्लाको आँधिखोला क्षेत्रमा अवैध रूपमा नदिजन्य पदार्थ (ढुङ्गा, गिट्टी, बालुवा) उत्खनन तथा ओसार पसारमा संलग्न चार (४) वटा ट्याक्टरलाई जिल्ला प्रहरी कार्यालय, स्याङ्जाले नियन्त्रणमा लिएको छ।
जिल्ला प्रहरी कार्यालय, स्याङ्जाबाट खटिएको विशेष प्रहरी टोलीले मिति २०८२/०७/१३ गते बिहान करिब १०:३० बजे प्राप्त गोप्य सूचनाको आधारमा अनुगमन गर्दा ती ट्याक्टरहरूलाई अवैध कार्य गरिरहेको अवस्थामा फेला पारेको हो।
नियन्त्रणमा लिइएका ट्याक्टर र स्थानको विवरण:
प्रहरीले नियन्त्रणमा लिएका ट्याक्टरहरू निम्न छन्:
| क्र.सं. | ट्याक्टर नम्बर | नियन्त्रणमा लिइएको स्थान |
|---|---|---|
| १ | ग. १ त. ५१७१ | जिल्ला स्याङ्जा, पुतलीबजार नगरपालिका वडा नम्बर-०३ आँधिखोला स्थित दुईघरे-दुलेरह-पुतलीखेत पक्कीपुलदेखि माथि घाट |
| २ | ग. १ त. ६४४० (अगाडिको इन्जिन भागमा) र ग. १ त. ५७३९ (पछाडिको ढाला भागमा) | जिल्ला स्याङ्जा, पुतलीबजार नगरपालिका वडा नम्बर-०३ आँधिखोला स्थित दुईघरे-दुलेरह-पुतलीखेत पक्कीपुलदेखि माथि घाट |
| ३ | ग. १ त. ५७४० | जिल्ला स्याङ्जा, पुतलीबजार नगरपालिका वडा नम्बर-०३ आँधिखोला स्थित दुईघरे-दुलेरह-पुतलीखेत पक्कीपुलदेखि माथि घाट |
| ४ | ग. १ त. ४६३० | जिल्ला स्याङ्जा, पुतलीबजार नगरपालिका वडा नम्बर-०३ आँधिखोला स्थित दुईघरे-दुलेरह-पुतलीखेत पक्कीपुलदेखि माथि घाट |
कारवाहीको लागि पालिकामा पठाइयो
नियन्त्रणमा लिइएका सबै ट्याक्टरहरूलाई आवश्यक अनुसन्धान तथा कारवाही प्रक्रिया अगाडि बढाउनको लागि नदिजन्य पदार्थले लोड गरिएको अवस्थामा नै पुतलीबजार नगरपालिकाको कार्यालय, स्याङ्जामा पठाइएको जिल्ला प्रहरी कार्यालयले जनाएको छ।
अवैध उत्खनन तथा ओसार पसारले नदीको बहाव, वातावरणीय सन्तुलन र प्राकृतिक स्रोतको दोहनमा गम्भीर असर पुर्याउने भएकाले यस्ता गतिविधिमाथि प्रहरीले निगरानी बढाएको बताइएको छ।
