प्रसिद्ध धार्मिकस्थल मुक्तिनाथ मन्दिर वरपर भारी हिमपात भएको छ, जसका कारण दर्शनका लागि पुगेका यात्रुहरू प्रभावित भएका छन् ।
यात्रामा कठिनाई:
मुक्तिनाथ दर्शनका लागि सोमबार राति मुस्ताङ पुगेका यात्रु अर्याल का अनुसार मङ्गलबार बिहान ५ बजेतिरबाटै हिमपात सुरु भएको हो ।
अर्यालले बाटोमा हिउँ जमेका कारण आवतजावतमा कठिनाई भएको जानकारी दिए ।
मन्दिरभन्दा ठिक तलको होटलमा रहेका उनले करिब तीन–चार इञ्चसम्म हिउँ जमेको र मान्छे तथा गाडीहरू रोकिएको बताए ।
स्थानीय होटल तथा पसलहरूले बेल्चाको सहायताले अगाडिको हिउँ पन्छाए पनि सडकमा जमेको हिउँ हटाउन स्काभेटर प्रयोग गर्नुपर्ने अवस्था आएको उनको भनाइ छ ।
प्रशासनको आग्रह:
जिल्ला प्रशासन कार्यालय मुस्ताङले विज्ञप्ति जारी गर्दै यात्रु तथा पदयात्रीलाई अहिले यात्रामा ननिस्किन आग्रह गरेको छ ।
प्रशासनले हाल हिमपात जारी रहेकाले सुरक्षालाई ध्यानमा राखी यस्तो अनुरोध गरेको हो ।
