स्याङ्जाको वालिङ नगरपालिका वार्ड नम्बर ९ डुडखोला स्थित वालिङ-हुवास सडक खण्डमा आज (मिति २०८२ साल ७ को महिना ७ गते, आइतबार) दिउँसो करिब १४:२० बजेको समयमा अटो दुर्घटना हुँदा दुई जना घाइते भएका छन् ।
बायाँखोलाबाट वालिङतर्फ आउँदै गरेको लु १ ह ३८०८ नम्बरको अटो अनियन्त्रित भई सडकमा पल्टिन जाँदा सो दुर्घटना भएको हो ।
दुर्घटनामा परेर अटोमा सवार दुई जना घाइते भएका छन् । घाइते हुनेहरूमा जिल्ला स्याङ्जा वालिङ नगरपालिका वार्ड नम्बर १४ बैरे बस्ने वर्ष ३२ का चेत बहादुर दर्जीको बायाँ खुट्टा र बायाँ हातमा चोट लागेको छ भने सोही ठाउँ बस्ने वर्ष १७ का आयुष परियारको बायाँ खुट्टामा सामान्य चोट लागेको प्रहरीले जनाएको छ ।
घाइते दुवै जनाको हाल वालिङ  गह्रौ प्राथमिक अस्पतालमा उपचार भइरहेको र उनीहरूको अवस्था सामान्य रहेको अस्पताल स्रोतले जानकारी दिएको छ । दुर्घटनाबारे थप अनुसन्धान भइरहेको प्रहरीले जनाएको छ ।