Syangja Update Communication
स्वर्गीय मोहन प्रसाद डुम्रेको स्मृतिमा वालिङ स्कोलार्समा विविध सांस्कृतिक कार्यक्रम सम्पन्न


वालिङ, स्याङ्जा। वालिङ स्कोलार्स एजुकेसनल एकेडेमी पूर्व विद्यार्थी मञ्चले आयोजना गरेको संस्थापक सदस्य तथा पूर्व प्रिन्सिपल स्वर्गीय मोहन प्रसाद डुम्रेज्यूको स्मृतिमा विविध सांस्कृतिक कार्यक्रम हिजो मिति २०८२ साल असोज १३ गतेका दिन विद्यालयकै प्राङ्गणमा सुसम्पन्न भएको छ।
दिवंगत संस्थापक सदस्य तथा पूर्व प्रिन्सिपल मोहन प्रसाद डुम्रेप्रति श्रद्धाञ्जली व्यक्त गर्न आयोजित उक्त कार्यक्रममा विभिन्न व्यक्तित्वहरूको उपस्थिति र प्रस्तुतिले कार्यक्रमलाई भव्यता प्रदान गरेको थियो।
कार्यक्रमको औपचारिक पक्ष
कार्यक्रममा स्वागत मन्तव्य सोही विद्यालयका प्रबन्ध निर्देशक कृष्णप्रसाद डुम्रेज्यूले दिनुभएको थियो। उहाँले स्वर्गीय डुम्रेको योगदानको चर्चा गर्दै उपस्थित सबैलाई धन्यवाद ज्ञापन गर्नुभयो।
कार्यक्रममा वालिङ नगरपालिका उपप्रमुख कविता तिवारीज्यू सहितको टोलीले सहभागिता जनाएको थियो। विशिष्ट अतिथिहरूका रूपमा वडा नम्बर १४ का वडा अध्यक्ष बोधराज कुँवर ज्यू, श्री लक्ष्मी मावि का प्रधानाध्यापक सीता गैह्रे ज्यू, वालिङ स्कोलार्सका वर्तमान प्रिन्सिपल प्रदिप बगालेज्यू, सहायक प्रिन्सिपल लक्ष्मी गैह्रे ज्यू, र बेतन शर्मा डुम्रेज्यूको पनि उपस्थिति रहेको थियो।
मन्तव्य र वक्ताहरू
कार्यक्रममा उपस्थित आदरणीय व्यक्तित्वहरूले स्वर्गीय मोहन प्रसाद डुम्रेको शिक्षा क्षेत्रमा पुर्‍याएको अतुलनीय योगदानको स्मरण गर्दै उहाँप्रति श्रद्धासुमन अर्पण गर्नुभयो। मन्तव्य राख्नेहरूमा सोही विद्यालयका शेयर सदस्य तथा पूर्व शिक्षक श्याम पाण्डेज्यू, पूर्व प्रिन्सिपल मोहन न्यौपाने ज्यू, सोही विद्यालयका वर्तमान अध्यक्ष धनबहादुर थापाज्यू, वर्तमान प्रिन्सिपल प्रदिप बगाले ज्यू, लक्ष्मी मावि का प्र. अ सीता गैह्रे ज्यू र पूर्व विद्यार्थी मञ्चका प्रतिनिधि पात्र हरि गैह्रे ज्यू लगायत हुनुहुन्थ्यो।
कार्यक्रममा सम्पूर्ण विद्यालयका शिक्षक शिक्षिका, सेयर सदस्य, पूर्व विद्यार्थी मञ्चका सदस्यहरू, अभिभावक र विद्यार्थीहरूको उल्लेख्य सहभागिता रहेको थियो।
सांस्कृतिक प्रस्तुति र समापन
स्मृति सभालाई थप प्रभावकारी र सांस्कृतिक बनाउन राष्ट्रिय कलाकारहरू यज्ञ सापकोटाज्यू र टङ्क डुम्रेज्यूले आ-आफ्नो आकर्षक साङ्गीतिक प्रस्तुति दिनुभएको थियो। कार्यक्रमको सम्पूर्ण छायाङ्कन यामकान्त गैह्रे (भविश्वर) ज्यूले गर्नुभएको थियो।
पूर्व विद्यार्थी मञ्चद्वारा आयोजित यो कार्यक्रम स्वर्गीय संस्थापकको शिक्षाप्रतिको समर्पण र व्यक्तित्वलाई जीवन्त राख्ने एक उदाहरणीय प्रयास साबित भएको छ।

प्रकाशित मिति: मंगलबार, असोज १४, २०८२  ०९:४८
प्रतिक्रिया दिनुहोस्
साताको लोकप्रीय
Weather Update