वालिङको फोहोरमैला व्यवस्थापन नमुना बन्दै,बंगलादेशको
प्राविधिक टोली अनुभव साट्न वालिङमा
अकला संवाददाता 
वालिङ नगरपालिकाले सञ्चालन गरेको फोहोर मैला व्यवस्थापन नमुना बन्दै गएको छ ।वालिङ्ले  फोहोरमैला व्यवस्थापनमा गरेको सकारात्मक प्रगति तथा सिकाई अनुभव आदानप्रदान गर्न बङ्गलादेशबाट एक अध्ययन टोली वालिङ वालिङ् नगरपालिकाले बताएको छ । बङ्गलादेश युनिभर्सिटी अफ इन्जिनियरिङ एन्ड टेक्नोलोजिका प्राध्यापक सहितको ६ जनाको टोली वालिङका आएको हो ।
बङ्गलादेशबाट आएको टोलीले फोहोरमैला व्यवस्थापनमा उत्कृष्ट तथा नमुना काम गर्दै आएको वालिङको सरसफाइ केन्द्रको अवलोकन गरेको छ । टोलीले स्थलगत अवलोकनपछि व्यवस्थाको प्रक्रिया र असल अभ्यासको सिकाई आदानप्रदान गरेको छ ।
विशेषगरि दिशाजन्य लेदो फोहोर व्यवस्थापन पक्षको जानकारी लिन स्याङ्जाको वालिङ आएको टोलीका प्रमुख प्रा.डा. रवश्हन मुम्ताजले बताउनुभयाे । 
फोहोरलाई आर्थिक स्रोतका रूपमा रुपान्तरण गरेपछि फोहोरको व्यवस्थापन पक्षको जान्न र बुझ्न देश तथा बिदेशीबाट अध्ययन टोली आउने गरेका छन् । अनुभव आदानप्रदान गर्न देशभित्रकै पालिका र बिदेशबाट अध्ययन गर्ने टोली आउने गरेको वालिङका नगरप्रमुख कृष्ण खाँणले जानकारी दिनुभयाे ।