वालिङ, ११ माघ ।
वालिङ जेसिजको २२औँ पदस्थापन कार्यक्रम शनिबार एक भव्य समारोहका बीच सम्पन्न भएको छ। कार्यक्रममा सन् २०२५ का अध्यक्ष सन्दिप कंडेलले सन् २०२६ का नवनिर्वाचित अध्यक्ष विदुर कोईरालालाई पद हस्तान्तरण गर्नुभएको हो।
युवाको नेतृत्व विकासमा जेसिजको भूमिका महत्त्वपूर्ण: सांसद अर्याल
पदस्थापन कार्यक्रमलाई सम्बोधन गर्दै प्रमुख अतिथि गण्डकी प्रदेश सांसद एवं अर्थ विकास समितिका सभापति भोजराज अर्यालले जेसिज युवाहरूको नेतृत्व र क्षमता विकास गर्ने उत्कृष्ट पाठशाला भएको बताउनुभयो। उहाँले युवाहरूलाई नेतृत्ववान बनाउँदै समाज रूपान्तरणको अभियानमा जेसिजले खेल्दै आएको भूमिकाको प्रशंसा समेत गर्नुभयो।
कार्यक्रममा बोल्दै अन्य वक्ताहरूले जेसिजको 'व्यक्तिगत विकास' को दर्शनलाई आत्मसाथ गर्दै अगाडि बढ्न नयाँ नेतृत्वलाई शुभकामना दिएका थिए। मन्तव्य राख्नेहरूमा:
 * खगेन्द्र भण्डारी: राष्ट्रिय उपाध्यक्ष, नेपाल जेसिज
 * सुमन पहारी: अध्यक्ष, पोखरा जेसिज
 * शान्ता थापा: पूर्व अध्यक्ष, वालिङ जेसिज
सन् २०२६ को नयाँ कार्यसमिति
विदुर कोईरालाको अध्यक्षतामा चयन भएको वालिङ जेसिजको सन् २०२६ का मुख्य पदाधिकारीहरू यस प्रकार रहेका छन्:
अध्यक्ष | विदुर कोईराला |
महासचिव | एकनारायण कोईराला |
कोषाध्यक्ष | साजन पंगेनी |
कार्यकारिणी उपाध्यक्ष | सन्तोष रेग्मी, विष्णु पंगेनी |
उपाध्यक्षहरू | पूजा कोईराला, विक्रम काफ्ले, सरोज अधिकारी र यादव पौडेल |
नवनिर्वाचित अध्यक्ष कोईरालाको अध्यक्षतामा सम्पन्न भएको उक्त कार्यक्रममा सन् २०२४ का अध्यक्ष यज्ञपुरुष रिजालले स्वागत मन्तव्य राख्नुभएको थियो भने कार्यक्रमको सञ्चालन महासचिव एकनारायण कोईरालाले गर्नुभएको थियो।