स्याङ्जा 

         स्याङ्जा जिल्लाको कालीगण्डकी गाउँपालिका–४, साविक बिर्घा गाविसको गौतमटोलमा जन्मिनुभएका विजय गौतम नेपाली सङ्गीत आकाशमा ढिलै भए पनि आफ्नो उपस्थिति सशक्त बनाउँदै हुनुहुन्छ। झन्डै २८/२९ वर्ष लामो वैदेशिक रोजगारीको बसाईपछि हाल पोखरामा आफ्नै व्यवसाय सञ्चालन गरिरहनुभएका गौतमको जीवनमा सङ्गीतप्रतिको अथाह प्रेम बाल्यकालदेखि नै थियो, तर परिवारको दायित्वका कारण त्यो चाहना ओझेलमा पर्न पुग्यो।
कछुवाको गतिमा सङ्गीत यात्रा
गौतम बताउनुहुन्छ, परिवारको पेट पाल्ने क्रममा पनि उहाँले सङ्गीतलाई 'कछुवाको गतिमा' घिसार्दै लैजानुभयो। उहाँको सिर्जना र लगानीमा बनेको पहिलो गीत २०६५ सालतिर सार्वजनिक भएको थियो, जसको बोल थियो – "मायामा लाग्यो गरन"। तर, यही गीतले उहाँको साङ्गीतिक यात्रालाई करिब १०-१२ वर्षसम्म ग्रहण लगाइदियो।
'तस्बिर छ भित्तामा' इन्द्रेणीलाई समर्पण
लामो अन्तरालपछि सिर्जना र लगानीसहित उहाँले तयार पारेको अर्को गीत हो – "तस्बिर छ भित्तामा"। चर्चित गायक राजु परियार र गायिका विमलाको आवाजमा रहेको यो गीत उहाँले एक विशेष उद्देश्यका साथ इन्द्रेणी कार्यक्रमका सञ्चालक एवं सहयोगी कृष्ण कँडेलज्यू लाई समर्पण गर्नुभएको छ।
गौतमले आफ्नो यो सिर्जना इन्द्रेणीको स्वामित्वमा रहने गरी हस्तान्तरण गर्नुभएको छ। यदि यस गीतबाट कुनै कमाइ भएमा त्यो रकम इन्द्रेणीमार्फत भविष्यमा आउने दुःखी तथा असहायहरूलाई सहयोग गर्न खर्च होस् भन्ने उहाँको पवित्र चाहना रहेको छ।
कोरोना कालदेखि लगातार सिर्जना
यसपछि, कोरोना महामारीको कहालीलाग्दो समयमा मानव जीवनको यथार्थ बोल्ने गीत "मान्छेको जुनि कति दिनको हुनि, बाचुन्जेल हासौं बोलौं मरे माटा मुनि" दर्शक-श्रोतामाझ ल्याउनुभयो।
पछिल्ला दिनहरूमा उहाँले "बैश सापटी", "आधि खोलाको", "मनमाया", र "माया धोकेबाज" जस्ता गीतहरू अहिले भर्खर सार्बजनिक भयको बिर्घा भन्ने  गाउँ  छ  आफ्नै सिर्जना र लगानीमा तयार पारी आफ्नो आधिकारिक युट्युब च्यानल 'Alam Devi Entertainment' मार्फत सार्वजनिक गरिरहनुभएको छ।
लामो संघर्ष र प्रवासको जीवन बिताएर पनि सङ्गीतप्रतिको आफ्नो प्रेमलाई जीवित राख्दै सामाजिक सेवाको भावनासहित अगाडि बढ्ने विजय गौतमको यात्रा निश्चय नै अरूका लागि पनि प्रेरणाको स्रोत बनेको छ।