वालिङ , मंसिर ७ - गरिमा विकास बैंक लिमिटेडको स्थापना दिवसको अवसर पारेर बैंकको मिर्दी शाखाले परोपकारी कार्यक्रम सम्पन्न गरेको छ। स्थापनाको खुसियालीमा शाखाले श्री महेन्द्र माध्यमिक विद्यालय, जगत भन्ज्याङमा अध्ययनरत करिब १७६ जना विद्यार्थीलाई ट्र्याक सुट (Track Suit) वितरण गरेको छ।
मिति २०८२ साल मंसिर ७ गते शनिबारका दिन आयोजित उक्त कार्यक्रमको अध्यक्षता वडा नं. ५ का वडा अध्यक्ष श्री छवि आलेले गर्नुभएको थियो। कार्यक्रममा बैंकका क्षेत्रीय प्रबन्धक श्री प्रेमनारायण अर्याल र मिर्दी शाखा प्रबन्धक श्री कमलराज रेग्मीको विशेष उपस्थिति रहेको थियो।
ट्र्याक सुट वितरण कार्यक्रमले विद्यार्थीहरूलाई जाडो मौसममा विद्यालय पोसाकसँगै थप न्यानो प्रदान गर्नुका साथै उनीहरूको शैक्षिक क्रियाकलापमा प्रोत्साहन मिलेको विद्यालय प्रशासनले जनाएको छ।
बैंकले सामाजिक उत्तरदायित्व (CSR) अन्तर्गत विद्यालयका विद्यार्थीलाई सहयोग गर्न पाएकोमा खुसी व्यक्त गर्दै भविष्यमा पनि यस प्रकारका सामाजिक कामलाई निरन्तरता दिने प्रतिबद्धता जनाएको छ। कार्यक्रममा विद्यालयका शिक्षक-कर्मचारी, विद्यार्थी तथा अभिभावकहरूको उल्लेख्य उपस्थिति रहेको थियो।