वालिङ।
परोपकारी कार्यमा सक्रिय स्याङ्जा सहयोग समाज, कतारको वालिङ नगर इकाईले वालिङ नगरपालिका वडा नम्बर ९ मा रहेको भुम्रे माध्यमिक विद्यालय (मावि) लाई अपाङ्गता भएका विद्यार्थीहरूको हितका लागि आर्थिक ५१००० साथै १ दिनको खाजा ४००० बराबरको स्टेसनरी सहयोग हस्तान्तरण गरेको छ।
प्रवासमा रहेका स्याङ्जालीहरूको साझा संस्थाको रूपमा स्थापित समाजले "स्याङ्गजा सहयोग समाजको चाहना विशुद्ध सामाजिक सेवाको भावना" भन्ने मूल नाराका साथ उक्त विद्यालयका अपाङ्गता भएका व्यक्तिहरूको शिक्षा, सुविधा र सशक्तीकरणमा टेवा पुर्याउने उद्देश्यले यो सहयोग प्रदान गरेको हो।
भुम्रे माविमा अध्ययनरत अपाङ्गता भएका विद्यार्थीहरूलाई शैक्षिक सामग्री, पहुँचयुक्त पूर्वाधार निर्माण वा अन्य आवश्यक सहयोगका लागि उक्त रकम हस्तान्तरण गरिएको हो।
हस्तान्तरण कार्यक्रम
विद्यालय प्राङ्गणमा आयोजित एक समारोहबीच स्याङ्जा सहयोग समाज, कतार वालिङ नगर इकाईका प्रतिनिधिहरूले विद्यालय व्यवस्थापन समितिलाई सहयोग रकम हस्तान्तरण गरेका थिए।
कार्यक्रममा बोल्दै वालिङ नगर इकाईका अध्यक्ष/साथै प्रतिनिधिहरु ले प्रवासमा रहे पनि आफ्नो जन्मभूमिको शिक्षा र सामाजिक विकासमा सहयोग पुर्याउनु संस्थाको मुख्य दायित्व रहेको बताउनुभयो। उहाँले अपाङ्गता भएका विद्यार्थीहरूलाई सहज वातावरणमा शिक्षा आर्जन गर्न सहयोग पुग्ने विश्वास व्यक्त गर्नुभयो।
सहयोग ग्रहण गर्दै विद्यालयका प्रधानाध्यापक साथै व्यवस्थापन समितिका अध्यक्षले सहयोगका लागि समाजप्रति आभार व्यक्त गर्नुभयो। उहाँले यो रकमको सदुपयोग अपाङ्गता भएका विद्यार्थीहरूको आवश्यकताअनुसार गरिने र यसबाट उनीहरूको शैक्षिक यात्रामा ठूलो टेवा पुग्ने बताउनुभयो।
कार्यक्रममा वालिङ नगरपालिकाका प्रतिनिधिहरू, विद्यालयका शिक्षकहरू, अभिभावक तथा स्थानीय समाजसेवीहरूको उपस्थिति रहेको थियो।
