संवाददाता 

पछिल्ला दस बर्ष यता नेपालमा सहकारीहरु बारे विभिन्न सकारात्मक एवम् नकारात्मक टिप्पणीहरु चलिरहेका छन् । सहकारीहरुको कार्यशैली र कार्यक्रमहरु कमजोर आर्थिक अवस्था भएका नागरिकहरु विच बलियो सारथि जस्तो बनेका पनि छन् । गाउँ गाउँमा आधारभूत उधमी बनाएको छ भने स्थानीय स्तरमा वित्तीय बौद्धिकता र बैंकिङ चेतना समेत फैलाएको छ । गाउँ गाउँमा दुख,सुखमा भावनात्मक एकता समेत बढाएको छ । यस्तै स्याङ्जाको वालिङमा मुख्य कार्यलय रहेको अकला नमुना साना किसान कृषि सहकारी सस्थाले शेयर सदस्य सुत्केरी भएको बेला सदस्यलाई  घरमै पुगेर पौष्टिक तत्व र सुत्केरी प्रति भावनात्मक भाव पैदा गराउन  घ्यु उपहार प्रदान गरेकाे छ । सहकारीको  समूह २५५ का समूह प्रमुख  बिष्णु थापा  कुंवर लाइ  नयाँ  शिशु जन्माएको भन्दै उनलाई घ्यु लिएर घरमा पुगिएको हो । सहकारीहरुले नयाँ सदस्य जन्माउने बेलामा होस् वा शेयर सदस्यको मृत्यु हुदा होस्,भेटघाट गर्ने समवेदना व्यक्त गर्ने र सानो रकम भएपनि  किरिया खर्च दिने व्यवस्था गरिरहेका छन् । सहकारीका धेरै पक्षहरू राम्रो हुदाहुदै पनि कतिपय सहकारीले बचत रकम नदिने,सहकारी अस्तव्यस्त बनाएर डुबाउने समेत गरेका छन् । यस्तै सहकारीले सयौं मान्छेलाई  जेलको बास गराएको छ भने कतिपयको राजनीतिक एवम् सामाजिक जीवन समाप्त गराएको छ । स्याङ्जामा समेत कतिपय सहकारीले जनताको लाखौं रकम दुरुपयोग गराएर अलपत्र छाडेका छन् भने कतिपयले सहकारीको नाममा राजनीतिक संगठन बलियो बनाउने र चुनाव जित्ने अस्त्रको रुपमा प्रयोग गरेका छन् ।
साना किसान तथा सहकारीको नाममा कहिले साडी बाढ्ने,गाउँ गाउँमा महिलालाई एकजुट बनाउने र संगठन बलियो बनाउने,चुनाव जित्ने अनि बिर्सेने समस्या धेरै देखिएको छ ।
स्याङ्जाको वालिङ् समेत आधा दर्जन भन्दा बढी सहकारी ढोका लगाएर बसेका छन् भने बचतकर्ताको करोडौं रकम अलपत्र परेका छन् । कतिपय बन्द भएका सहकारीहरु अगुवा नेताहरूकै देखिन्छन् । यस विचमा अकला साना किसानको सिर्जनात्मक कार्यलाई भने सकारात्मक लिनुपर्छ ।